Хэрэг хянан шийдвэрлэх ажиллагаан дахь хүүхэд хамгааллын журмын төслийг хэлэлцлээ

Хүүхэд хамгааллын тухай хуулийн /шинэчилсэн найруулга / 29.6 дахь заалтын хэрэгжилтийг хангах хүрээнд ГБХНХЯ-ны Төрийн нарийн бичгийн даргын 2025 оны А/85 дугаар тушаалаар "Журмын төсөл боловсруулж, батлуулах чиг үүрэг бүхий ажлын хэсэг" байгуулагдан ГБХНХЯ, ХЗДХЯ, УЕПГ, ШЕЗ, ХГБХХЕГ, ЦЕГ хамтран ажиллаж байна.

Ажлын хэсгийн уулзалтаар "Хэрэг хянан шийдвэрлэх ажиллагаан дахь хүүхэд хамгааллын журам"-ын төслийг хуульч Г.Оюунболд танилцуулж, ажлын хэсгийн гишүүдийн саналыг авлаа.

Уулзалтад ажлын хэсгийн гишүүд болон дүүргийн Хүүхэд, гэр бүлийн хөгжил, хамгааллын хэлтсийн төлөөлөл, ОУБ-ын төлөөллүүд оролцлоо.