Зорилт

Үйл ажиллагааны стратегийн зорилт

Яам нь эрхэм зорилгодоо хүрэхийн тулд дараах үйл ажиллагааны стратегийн зорилтыг хэрэгжүүлнэ:

      2.4.1.Салбарын хууль тогтоомж, бодлого, стратеги, хөтөлбөр боловсруулахад судалгаа, шинжилгээ, бодлогын удирдамжаар хангах, гадаад харилцаа, хамтын ажиллагааг хөгжүүлэх, өргөжүүлэх;  

      2.4.2.Төрийн захиргааны болон хүний нөөцийн удирдлагын бодлого, төлөвлөлт, хэрэгжилтийг хангах, байгууллагын соёлыг төлөвшүүлэх, яамны үйл ажиллагаанд хууль, эрх зүйн зөвлөгөө, дэмжлэг үзүүлэх, хууль тогтоомж сурталчлах, сургалт зохион байгуулах; 

      2.4.3.Монгол хүний амьдралын чанарыг дээшлүүлж, хүн амын бүлгүүдийн хөгжил, оролцоог хангах, үйлчилгээний хүртээмжийг сайжруулах, нийгмийн таатай орчныг бүрдүүлэхэд чиглэсэн салбар дундын гэр бүлд ээлтэй цогц бодлого боловсруулж, хүн амын тогтвортой өсөлт, гэр бүл, хүний хөгжлийг дэмжих;

      2.4.4.Эрэлтэд нийцсэн хөдөлмөрийн зах зээлийн зөв, оновчтой бодлого боловсруулж гэр бүлд ээлтэй, зохистой хөдөлмөр эрхлэлтийг дэмжих, хөдөлмөрийн хууль тогтоомж, цалин хөлсний бодлого зохицуулалтыг боловсронгуй болгох, хөдөлмөр, нийгмийн зөвшлийн гурван талт болон бусад хамтын ажиллагааг хангах, нийгмийн халамж, үйлчилгээний чанар, үр ашгийг дээшлүүлэх; 

      2.4.5.Нийгэм, эдийн засгийн өөрчлөлт, хүн амын насны бүтцийн хэтийн төлөвийг харгалзсан нийгмийн даатгалын тогтолцооны шинэчлэлийг эрчимжүүлэх;

      2.4.6.Салбарын хууль тогтоомж, норм, стандартын хэрэгжилтэд хяналт тавих, хөдөлмөрийн аюулгүй байдал, хүний амь нас, эрүүл мэнд, орчны аюулгүй байдалд хяналт тавих; 

      2.4.7.Салбарын хууль тогтоомж, бодлого, хөтөлбөр, үйл ажиллагааны хэрэгжилтийн явцад шинжилгээ хийх, үр дүнд үнэлгээ өгөх, дотоод аудит хийх, дүн шинжилгээ хийх;

      2.4.8.Салбарын санхүү, эдийн засгийн болон хөрөнгө оруулалтын урт, дунд хугацааны бодлого, төлөвлөгөө, хуулийн төсөл, төсөв боловсруулах, батлуулах, хөрөнгө оруулалт, төсвийн шинжилгээ хийх, салбар хоорондын уялдаа, бодлогын хэрэгжилтийг хангах, батлагдсан төсвийн хэрэгжилтийг удирдан зохион байгуулах, төрийн сангийн үйл ажиллагааг эрхлэх;

      2.4.9.Салбарын цахим, мэдээллийн технологийг хөгжүүлэх чиглэлээр урт, дунд хугацааны бодлого, төлөвлөгөө, хөтөлбөр боловсруулах, батлуулах, ашиглах, их өгөгдөлд суурилсан бодлогын зөвлөмжөөр хангах, статистикийн мэдээлэл боловсруулах.

Үйл ажиллагааны гол зорилт

      2.5.1.Үйл ажиллагааны стратегийн 2.4.1 дүгээр зорилтын хүрээнд:

      2.5.1.1.Монгол Улсын урт, дунд хугацааны хөгжлийн бодлогод нийцүүлэн салбарын бодлого чиглэлийг тодорхойлох, бодлогын үр нөлөөг үнэлэх, үр дүнг хэмжих шалгуур үзүүлэлтийг боловсруулах, хууль тогтоомжийг шинэчлэх үндэслэл, хэрэгцээ шаардлагыг судлах, бодлого хэрэгжүүлэх стратеги, хөтөлбөр, төсвийн хэрэгцээг боловсруулахад холбогдох газруудад дэмжлэг үзүүлэх;

       2.5.1.2.гэр бүл, хөдөлмөр, нийгмийн хамгааллын салбар хоорондын бодлогын уялдааг хангаж, нэгдсэн төлөвлөлт хийх, удирдамжаар хангах;

     2.5.1.3.гэр бүл, хөдөлмөр, нийгмийн хамгааллын салбарт гадаад улс, олон улсын байгууллагын санхүүжилтээр хэрэгжих урт, дунд хугацааны төсөл боловсруулах, донор болон хөгжлийн байгууллагуудын хамтын ажиллагааны зохицуулалтыг холбогдох нэгжтэй хамтран зохион байгуулах;

     2.5.1.4.салбарын гадаад хамтын ажиллагааг эрхэлж, гадаад орон, олон улсын байгууллага, төрийн болон төрийн бус байгууллагатай хамтран ажиллах гэрээ, хэлэлцээрийн хэрэгжилтийг зохицуулахад дэмжлэг үзүүлэх.