Жижиг зээлийн дараах сургалтын жишиг хөтөлбөр

ХЭҮЗ-ийн 2024 оны 4 дүгээр тогтоолоор батлагдсан Дэлхийн банкны санхүүжилттэй “Бичил бизнес эрхлэгчдийг дэмжих хөтөлбөр”-ийн хүрээнд “Жижиг зээлийн дараах бизнес хөгжлийн сургалтын хөтөлбөр”-ийг боловсрууллаа.

Мөн батлагдсан хөтөлбөрийн дагуу сургагч багш нарт зориулсан гарын авлагыг бэлтгэв.

Сургалтын хөтөлбөр нь 20 цагийн, доорх 4 чадамжийн нэгжээс бүрдэнэ:

Бүтээгдэхүүн хөгжүүлэлт, загвар бүтээгдэхүүнийг зах зээлд туршилтаар нэвтрүүлэх ур чадвар эзэмших, ХАБЭА-н шаардлага хангах;

Борлуулалтаа нэмэгдүүлэх аргачлал, цахим сүлжээгээр бүтээгдэхүүн үйлчилгээгээ танилцуулах арга барил эзэмших;

Анхан шатны санхүүгийн бүртгэлээ сайжруулах ур чадвар эзэмших;

Хувь хүний зорилго, бизнес эрхлэгчдэд хэрэгтэй зөөлөн ур чадвараа хөгжүүлэх, бизнесийн хэлбэр болон загвараа тодорхойлох

Сургалтын хөтөлбөр болон сургагч багшийн гарын авлагыг хавсралт хэсгээс татаж авна уу.