Хөдөлмөр, нийгмийн хамгааллын салбарын 43 албан хаагч Төрийн албан хаагчийн тангараг өргөлөө

Монгол Улсын Төрийн албаны тухай хуулийн 36 дугаар зүйлийн 36.1 дэх заалт, Монгол Улсын Ерөнхийлөгчийн 1995 оны 109 дүгээр зарлигаар баталсан “Төрийн захиргааны албан хаагчийн тангараг өргөх ёслолын журам”-д заасны дагуу Төрийн албан хаагчийн тангараг өргөх болзол хангасан салбарын албан хаагчдын тангараг өргөх ёслолыг өнөөдөр хөдөлмөр, нийгмийн хамгааллын яаманд зохион байгууллаа. 

Тангараг өргөх ёслолд Хөдөлмөр, нийгмийн хамгааллын яамны Төрийн нарийн бичгийн даргын албан үүргийг түр орлон гүйцэтгэгч бөгөөд Бодлого төлөвлөлтийн газрын дарга А.Хишигбаяр оролцож, төрийн жинхэнэ албан хаагч болсон ажилтнуудад өргөсөн тангаргаа сахин биелүүлж, ёс зүйтэй, хүчин чармайлт гарган ажиллаж, төрийн үйлчилгээг иргэдэд түргэн шуурхай хүргэж ажиллахыг захиад амжилт хүслээ.