Иргэний нийгмийн байгууллагуудын чадавхыг бэхжүүлэх төслийн нээлт боллоо
Финланд улсын Гадаад харилцааны яам, ФЛОМ байгууллагын санхүүжилтээр Тэгш Тусгал ТББ-ын хэрэгжүүлж буй “Хөгжлийн бэрхшээлтэй хүний иргэний нийгмийн байгууллагуудын чадавхыг бэхжүүлснээр хөгжлийн бэрхшээлтэй хүмүүс эрх мэдэлжих нь” (EPSO) төсөл өнөөдөр нээлтээ хийлээ.
Төслийг Хөдөлмөр, нийгмийн хамгааллын дэд сайд С.Зулпхар нээж хэлсэн үгэндээ, хөгжлийн бэрхшээлтэй хүмүүсийн эрхийг хангах, тэгш оролцоо тэгш боломжийг бүрдүүлэхэд тал бүрийн, ялангуяа Төрийн бус байгууллагуудын оролцоо чухал болохыг онцолоод, төслийг үр дүнтэй хэрэгжүүлэхэд бүх талаар дэмжин ажиллахаа илэрхийллээ.