Хөдөлмөр, нийгмийн хамгааллын яам, Монголын үндэсний худалдаа, аж үйлдвэрийн танхим, Монголын ажил олгогч эздийн нэгдсэн холбоо, Монголын үйлдвэрчний эвлэлийн холбооны хооронд 2021 онд Хамтын ажиллагааны санамж бичиг байгуулсан. Санамж бичгийн хүрээнд хүүхдэд ээлтэй орчин бүрдүүлсэн, хүүхэд хамгааллын бодлогыг хэрэгжүүлсэн байдлыг дүгнэх шалгуур үзүүлэлтийг боловсруулж, шилдэг аж ахуйн нэгж, байгууллага шалгаруулах үзүүлэлтэд тусган хэрэгжүүлэх чиг үүрэг бүхий ажлын хэсэг байгуулагдан ажиллаж байна. 

Ажлын хэсгийн өнөөдрийн ээлжит хурлаар;

Хүүхдийн эрх, бизнесийн зарчмууд, Олон Улсын бодлого чиглэл;

Хүүхэд хамгааллын бодлого, хүүхэд гэр бүл ээлтэй байдлыг дүгнэх шалгуур үзүүлэлтийн төсөл;

Шилдэг аж ахуйн нэгж, байгууллага шалгаруулах үзүүлэлтүүдэд нийгмийн шалгуур үзүүлэлтийг тусгах асуудлыг тус тус хэлэлцлээ.