“И-ЖОБ ПЛАТФОРМ”-ЫН АЖЛЫН ЯВЦТАЙ ТАНИЛЦЛАА

Хөдөлмөрийн зах зээлийн мэдээллийн системийг шинэчлэн хөгжүүлэх, И-жоб платформыг нэвтрүүлэх ажлын хэсгийн хурал  боллоо. Хурлаар “И-жоб платформ”-ын ажлын явцтай танилцаж, мэдээлэл солилцох, тулгамдаж буй асуудлуудын талаар хэлэлцэн шийдвэрлэв.

Хөдөлмөр, нийгмийн хамгааллын Дэд сайд, ажлын хэсгийн ахлагч С.Зулпхар зохих түвшинд шуурхай ажиллаж байгаад талархал илэрхийлээд, систем техник хангамжийн тал дээр анхаарч, эрсдэлийг тооцоолж, тулгамдаж буй асуудлуудад анхаарал хандуулж ажиллахыг чиглэл болголоо.