“Ковид-19 цар тахлын үед INSPIRE стратегийн хэрэгжилтийг эрчимжүүлж, Хүүхдийн эсрэг хүчирхийллийг таслан зогсоох нь” Ази Номхон далайн бүсийн цахим хурал болж байна
uploaded pictureuploaded pictureuploaded pictureuploaded pictureДЭМБ, НҮБ-ын Хүүхдийн сангаас зохион байгуулж буй “Ковид-19 цар тахлын үед INSPIRE стратегийн хэрэгжилтийг эрчимжүүлж, Хүүхдийн эсрэг хүчирхийллийг таслан зогсоох нь” сэдэвт Ази Номхон далайн бүсийн цахим хурал 2021 оны 11 дүгээр сарын 01-05-ны өдрүүдэд үргэлжилж байна. Тус дээд хэмжээний хуралд Хөдөлмөр, нийгмийн хамгааллын сайд А.Ариунзаяа нээж үг хэлсэн бөгөөд ХНХЯ-ны Гэр бүлийн бодлогын хэрэгжилтийг зохицуулах газрын дарга Н.Баярмаа “Монгол Улсад хууль тогтоомжийн шинэчлэл болон олон нийтийн хандлагад нөлөөлөх замаар хүүхдийн эсрэг бие махбодын шийтгэлийг арилгах талаар хийж байгаа ололт, сургамж” сэдвээр илтгэл тавьж, оролцож байна.
Монгол Улс 2017 онд Хүүхдийн эсрэг хүчирхийллийг эцэслэх дэлхийн түншлэлд нэгдэж, цахим орчинд хүүхдийн эрхийг хамгаалах “Бид Хамгаална” (WeProtect), Хүүхдийн эсрэг хүчирхийллийг таслан зогсоох зорилготой INSPIRE багц стратегийг хэрэгжүүлэх, дэлхийн бусад олон оронтой хамтран ажиллах, сайн туршлагаа сурталчлах, мөн бусад орны сайн туршлагыг нэвтрүүлэхэд ДЭМБ, НҮБ-ын Хүүхдийн сан, Дэлхийн Банк зэрэг олон байгууллагуудтай хамтран ажиллаж байна.
Дээш