Дэд сайд С.Мөнгөнчимэг Дэлхийн Дифлимпийн холбооны ерөнхийлөгчтэй уулзав

Дэд сайд С.Мөнгөнчимэг хүндэт зочноо эх оронд минь тавтай морилж, тухлан саатахыг хүссэн юм. Харин ноён В.Н.Рухледев цаг гарган хүлээн авч уулзаж байгаад талархал илэрхийлж байв. Манай улсад "Монгол туургатны сонсголын бэрхшээлтэй иргэдийн спортын анхдугаар наадам" зохион байгуулагдаж байгаа юм. Наадамд оролцохоор ОХУ, БНХАУ, Япон, Монголоос 150 гаруй тамирчин цуглаад байна.

Ноён В.Н.Рухледев НҮБ-ын Хөгжлийн бэрхшээлтэй хүний эрхийн хорооны гишүүн юм. Тийм ч учраас НҮБ-ын конвенциудын хэрэгжилт, үр дүн, ХНХЯ-ны энэ чиглэлээрх үйл ажиллагааны талаар Дэд сайдтай санал солилцож ярилцлаа.