“Хөгжлийн бэрхшээлтэй хүний бие даан амьдрах эрхийг таниулах, туршлага солилцох хэлэлцүүлэг зохион байгууллаа
Хөдөлмөр, нийгмийн хамгааллын яам, Хөгжлийн бэрхшээлтэй хүний хөгжлийн ерөнхий газар, Японы Мэйнстрийм бие даан амьдрах төв, Партнер бие даан амьдрах төвүүдтэй хамтарч Хөгжлийн бэрхшээлтэй хүний бие даан амьдрах эрхийг таниулах, туршлага солилцох хэлэлцүүлэг зохион байгууллаа.
Тус хэлэлцүүлэгт Хөдөлмөр, нийгмийн хамгааллын яам, Сангийн яам, Хөгжлийн бэрхшээлтэй хүний хөгжлийн ерөнхий газар, Хөдөлмөр, халамжийн үйлчилгээний ерөнхий газар, Нийслэлийн Хөдөлмөр эрхлэлтийн газар, Нийслэлийн Нийгмийн халамжийн газар болон хөгжлийн бэрхшээлтэй хүний бие даан амьдрах эрхийн чиглэлээр үйл ажиллагаа явуулдаг төрийн бус байгууллагын төлөөлөл нийт 40 гаруй хүн оролцов.
Энэхүү хэлэлцүүлгээр Японы бие даан амьдрах тогтолцоо, оюуны бэрхшээлтэй хүний хөдөлмөр эрхлэлт, халамжийн үйлчилгээний төрөл, санхүүжилтийн талаар танилцуулж, харилцан санал солилцлоо.