Хөдөлмөр, нийгмийн хамгааллын сайд А.Ариунзаяа Европын Сэргээн Босголт Хөгжлийн Банкны төсөл хариуцсан захирал хатагтай Дилдора Тажибаева тэргүүтэй төлөөлөгчдийг хүлээн авч уулзлаа.

Хатагтай Дилдора Тажибаева болон тус банкны ХБНГУ дахь салбарын төлөөлөгч Н.Бин Нгүен, Модибо К.Камара нар Монгол Улсад албан томилолтоор ажиллах хугацаандаа орон нутгийн эмэгтэйчүүдийн үйлдвэрлэл эрхлэлтийн байдал болон эмэгтэйчүүдийн талаарх хэвшмэл ойлголтыг өөрчлөх зэрэг асуудлыг судалж, холбогдох төрийн болон хувийн хэвшлийн байгууллагын төлөөлөлтэй уулзаж байгаа юм.

Уулзалтаар Монгол Улсад жижиг дунд үйлдвэрлэл, бичил бизнес эрхлэгч эмэгтэйчүүдийн хөдөлмөр эрхлэлтийн өнөөгийн байдал, тэдэнд үзүүлэх эрх зүйн болон бодлогын дэмжлэгийн талаар ярилцлаа.