Хөдөлмөр, нийгмийн хамгааллын сайд А.Ариунзаяа Бүгд Найрамдах Солонгос Улсын Парламентын гишүүн бөгөөд Хөдөлмөрийн сайд асан Ким Ён Жуг хүлээн авч уулзлаа

Уулзалтаар Хөдөлмөр, нийгмийн хамгааллын сайд А.Ариунзаяа Монгол Улсын хөдөлмөрийн зах зээлийн мэдээллийн системийг шинэчлэн сайжруулах, ажилд зуучлах үйлчилгээний онлайн хэлбэрийг хөгжүүлэхэд санаачилга гаргаж, манлайлан ажилласанд талархал илэрхийллээ.

Хөдөлмөр, нийгмийн хамгааллын яам БНСУ-ын Хөдөлмөр эрхлэлт хөдөлмөрийн яамтай хамтран “Монгол Улсын төрийн хөдөлмөр эрхлэлтийн үйлчилгээний мэдээллийн системийг хөгжүүлэх” протоколыг 2020 онд байгуулж хамтран ажиллаж байна.