УДЭТ-ын Ерөнхий найруулагч, Төрийн соёрхолт Н.Наранбаатар: Хүн амьдралд гурван зүйлд дурлах ёстой гэж боддог.

Хамгийн түрүүнд бид ажил мэргэжилдээ дурлах ёстой. Дурлаж эзэмшсэн мэргэжлийг сонговол амжилт гаргадаг. Таны амжилт улс нийгмийн амжилт болдог. Хоёрдугаарт, Та амраг ханьдаа дурлах ёстой. Насаараа хамт байх хос багана болсон хүндээ дурлаж хайрлах ёстой. Энэ нь гэр бүлийн тогтвортой байдал.

Гуравдугаарт, Та амьдралд дурлах ёстой. Амьдрал гэдэг үгний үндэс нь амь. Энэ амийг хайрлахын тулд монгол эр хүн бүр эрүүл байх ёстой. Үүний тулд эрүүл мэндийн боловсрол эрүүл хэв маягтай амьдрах асуудал гарч ирнэ. Амь+д хэрвээ та амьд байгаа бол зорилготой, мөрөөдөлтэй, тэмүүлэлтэй байх ёстой. Энэ таныг амьд байлгах түлхүүр.