Монгол Улсад нийгмийн даатгалын салбарын суурийг тавьж, хөгжүүлж ирсэн ахмадууд, үе үеийн удирдлагууд, албан хаагчид Та бүхэнд болон нийгмийн даатгалын тогтолцоог бүрдүүлж байдаг даатгуулагч, ажил олгогч, нийт иргэддээ Монгол Улсад Нийгмийн даатгалын алба үүсэж, хөгжсөний 80 жилийн ойн баярын мэнд хүргэе.

Өдгөөгөөс 80 жилийн тэртээ Ерөнхий сайд Х.Чойбалсангийн 1942 оны 01 дүгээр сарын 22-ны өдрийн “Бүгд Найрамдах Монгол Ард Улсын дотор дагаж шийтгүүлэх нийгмийн аюулаас хамгаалах дүрэм батлах тухай” тогтоол батлагдсан. Улмаар МҮЭ-ийн Төв зөвлөлийн Тэргүүлэгчдийн 1942 оны 4 дүгээр сарын 28-ны өдрийн 27 дугаар хуралдааны шийдвэрээр МҮЭ-ийн Төв зөвлөлийн дэргэд “Нийгмийг аюулаас хамгаалах хэлтэс”-ийг байгуулснаар нийгмийн даатгалын байгууллагын анхны суурь тавигдсан түүхтэй.