ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ

   Хөдөлмөр, нийгмийн хамгааллын яамнаас “Гэр бүлийн хүчирхийлэлтэй тэмцэх” тухай хуулийн 5 дугаар зүйлийн 35.4 дэх хэсэгт заасан  Хөдөлмөр, нийгмийн хамгаалын сайдын 2020 оны А/150 тушаалаар батлагдсан “Түр хамгаалан байрлуулах үйлчилгээний зардлыг нэг хүнд ногдох хувьсах зардлыг тооцох журам”-ыг шинэчлэн боловсруулах зөвлөх үйлчилгээний гэрээ байгуулах гэж байгаа тул зөвлөх үйлчилгээ үзүүлэх хүсэлтэй иргэнийг мэдүүлгээ ирүүлэхийг урьж байна.

Зөвлөх үйлчилгээний хүрээнд дараах ажлыг гүйцэтгэнэ. Үүнд:

1.    Түр хамгаалан байрлуулах үйлчилгээний зардлын нэг хүнд ногдох хувьсах зардал тооцох журмыг шинэчлэн боловсруулах.  Төсөлд дор дурдсан зүйлсийг тодорхойлсон байх:

-       хамрах хүрээ;

-       зардлын орц, норматив

-       зардал тооцох аргачлал

-       журмыг хэрэгжүүлэх дараалал

2.    Журмыг хэрэгжүүлэх хялбаршуулсан удирдамж, заавар. Удирдамж, заавар нь тодорхой жишээн дээр суурилсан байх шаардлагатай бөгөөд дараах зүйлсийг багтаасан байна:

-       зардлын орц болон тэдгээрийн жишиг тарифаар

-       хувьсах зардлын жишиг тооцоолол 

Дээр дурдсан ажлыг 1 сарын хугацаанд хийж гүйцэтгэнэ.

Зөвлөх нь дараах шаардлагыг хангасан байна. Үүнд:

  Боловсрол: 

·         Эдийн засаг, хүн ам, гэр бүл, жендэр, нийгэм, хууль эрх зүйн чиглэлээр магистр болон түүнээс дээш зэрэгтэй, доктор бол давуу тал болно.

·         Эдийн засаг, статистикийн чиглэлээр мэргэшсэн.

 Туршлага:

·         Нийгмийн ажлын үйлчилгээний арга зүйн мэдлэг, туршлагатай.

·         Санхүү, эдийн засгийн чиглэлээр ажилласан туршлагатай.

·         Төсвийн бодлого, гэр бүл, нийгэм, жендэр, хүчирхийллийн асуудлаар бодлого, хууль, хөтөлбөр  боловсруулах ажилд оролцож байсан туршлагатай.

·         Дээр дурдсан чиглэлээр 5 ба түүнээс дээш жил ажилласан туршлагатай байх;

Хэлний ур чадвар:

·         Англи хэлийг мэргэжлийн чиглэлээр хэрэглэх түвшинд эзэмшсэн.

            Мэргэжлийн ур чадвар:

·         Албан бичиг баримт бичиг боловсруулах;

·         Баримт бичиг боловсруулахад шаардлагатай судалгаа, дүн шинжилгээ, тооцоог бие даан хийж дүгнэлт гаргах, холбогдох материалыг бүрдүүлэх;

·         Уулзалт, хэлэлцүүлэг зохион байгуулах, удирдан чиглүүлэх;

·         Компьютерын хэрэглээний програмууд дээр чөлөөтэй ажиллах;

·         Богино хугацаанд ачаалалтай, бие даан ажиллах, хувийн зохион байгуулалт сайтай байх;

·         Холбогдох салбарт ашиг сонирхлын зөрчилгүй байх.

Сонирхсон этгээд дор дурдсан хаягаар нэмэлт мэдээллийг авч болох бөгөөд мэдүүлэг (сонирхолоо илэрхийлсэн өргөдөл, боловсролын гэрчилгээ, ижил төрлийн ажлын туршлагын талаарх мэдээлэл)-ээ 2022 оны 03 дугаар сарын 04-ний өдрийн 17:30 цагаас өмнө ирүүлнэ үү.

Хөдөлмөр, нийгмийн хамгааллын яам,

Улаанбаатар хот, Чингэлтэй дүүрэг, Нэгдсэн Үндэстний гудамж-5,

Засгийн газрын II байр,

Харилцах утас: 51-261415.

2022.03.03