2021 оны 3 дугаар сарын 10-ны өдөр Монгол Улс, Бүгд Найрамдах Казахстан Улсын хооронд Тэтгэврийн тухай хэлэлцээр байгуулах ажлын хэсгийн VII хэлэлцээ зохион байгуулагдав. Тус хэлэлцээнд Бүгд Найрамдах Казахстан Улсын Элчин зөвлөх Айдар Aбишев, ХХАНХЯ-ны Нийгмийн даатгал, нийгмийн болон тэтгэврийн үндсэн хангамжийн бодлогын газрын дэд дарга Мусина А.Ш. болон бусад албан тушаалтнууд оролцлоо.

Манай улсаас ХНХЯ-ны Бодлого, төлөвлөлтийн газрын дарга А.Хишигбаяр болон холбогдох албаныхан оролцож, Монгол Улс, Бүгд Найрамдах Казахстан Улс хоорондын тэтгэврийн тухай хэлэлцээрийн төслийг үргэлжлүүлэн хэлэлцэв.

Ээлжит хэлэлцээг 2021 оны 4 дүгээр сарын сүүлээр зохион байгуулахаар тохиролцлоо.