Хүүхдийн эрх, хамгааллын байнгын ажиллагаатай салбар дундын ажлын хэсэг хуралдлаа

2018-04-05 15:47   Уншсан тоо: 317

Хүүхдийн эрх, хамгааллын байнгын ажиллагаатай салбар дундын ажлын хэсгийн хоёр дахь хуралдаан өнөөдөр Туушин зочид буудлын Хурлын танхимд боллоо. Хуралд Хөдөлмөр нийгмийн хамгааллын Дэд сайд С.Мөнгөнчимэг, ХНХЯ-ны Хүн амын хөгжлийн газрын дарга С.Тунгалагтамир, хэлтсийн дарга Н.Баярмаа, Гэр бүл, хүүхэд, залуучуудын хөгжлийн газрын дарга О.Алтансүх,  тэргүүтэй байнгын ажиллагаатай салбар дундын ажлын хэсгийн  гишүүд болон албаны бусад хүмүүс оролцлоо.

Тус ажлын хэсгийн анхдугаар хуралдаан өнгөрсөн 12 дугаар сард болсон бөгөөд өнөөдрийн хурлаар өнгөрсөн хугацаанд хийсэн ажлын талаар болон цаашид хүүхдийн хөгжил, хамгаалалтай холбоотой ямар ажил хийх талаараа ярилцаж байр сууриа нэгтгэсэн юм.

Өнгөрсөн хугацаанд Хүүхдийн эрх, хамгааллын байнгын ажиллагаатай салбар дундын ажлын хэсэг нь дараах ажлуудыг хийж гүйцэтгэжээ.

Тодруулбал,

-Хүүхдэд ээлтэй эрүүл аюулгүй орчин бүрдүүлэх дэд ажлын хэсэг,

-Хүүхдийн хөгжил, оролцоог дэмжих дэд ажлын хэсэг,

-Хүүхэд хамгааллын дэд ажлын хэсэг гэсэн гурван хэсэгт хуваагдан тус бүр хоёр удаа хуралдаж, дэдэ ажлын хэсгийн дарга, нарийн бичгийн дарга нарын хурлыг нэг удаа зохион байгуулсан байна.