Мэдээ

"Дэлхийн Ур чадвар" тэмцээнд эх орноо төлөөлөх залуучууд тодорлоо

"Дэлхийн Ур чадвар" тэмцээнд эх орноо төлөөлөх залуучууд тодорлоо

  • 2017-05-12 14:20

Дэлхий нийтээрээ мэргэжилтэй ажилтны үнэ цэнийг мэдэрч, хүн төрөлхтний бүтээн байгуулалт, эдийн засгийн гол хүчин зүйл нь мэргэжилтэй ажилтан гэдгийг хүлээн зөвшөөрсөн байдаг. Монгол Улс 2013 онд Дэлхийн ур чадварын олон улсын байгууллагын гишүүн орон болж Монгол хүний ур чадварыг дэлхийд өрсөлдүүлэх боломжийг нээсэн. Үүнээс хойш манай улс Дэлхийн ур чадварын тэмцээнд 2015 онд анхны удаа 9 мэргэжлээр амжилттай оролцсон юм.

Ажилтныхаа эрүүл мэнд, нийгмийн баталгааг хангасан шилдэг 150 байгууллага тодорлоо

Ажилтныхаа эрүүл мэнд, нийгмийн баталгааг хангасан шилдэг 150 байгууллага тодорлоо

  • 2017-05-11 14:02

Хөдөлмөр, нийгмийн хамгааллын Дэд сайд С.Мөнгөнчимэг өнөөдөр ажил олгогч, аж ахуйн нэгжүүдээс шилдгээр шалгарсан 150 байгууллагад талархал илэрхийлэх ёслолд оролцлоо. Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулийн 19 дүгээр зүйлд зааснаар 3 жил дараалан тус сангаас төлбөр гаргуулаагүй бол дараа жилийн шимтгэлийг 10 хувиар хөнгөлнө. Мөн Нийгмийн даатгалын сангаас олгох ажилгүйдлийн тэтгэмжийн тухай хуулийн 11 дүгээр зүйлд 5 жил дараалан ажилгүйдлийн даатгалын сангаас тэтгэмж гаргуулаагүй бол дараа жилд төлөх шимтгэлийг 10 хувь хөнгөлнө гэж заасан байдаг.

Баянгол дүүргийн 18 сартай хүүхдийн эрүүл мэнд, хөгжлийн иж бүрэн үзлэг эхэллээ

Баянгол дүүргийн 18 сартай хүүхдийн эрүүл мэнд, хөгжлийн иж бүрэн үзлэг эхэллээ

  • 2017-05-08 13:15

Хөдөлмөр, нийгмийн хамгааллын яам, Боловсрол, соёл, шинжлэх ухаан, спортын яам, Японы олон улсын хамтын ажиллагааны байгууллагатай хамтран "Тусгай хэрэгцээт боловсрол шаардлагатай хүүхдэд үзүүлэх эрүүл мэнд, боловсрол, нийгмийн хамгааллын үйлчилгээг сайжруулах" төслийг 2015 оны 08 дугаар сараас эхлэн хэрэгжүүлж байна. Уг төслийн хүрээнд 2017 оны 05 дугаар сарын 08-12-ны өдрүүдэд төслийн зорилтот дүүрэг болох Баянгол дүүргийн 18 сартай хүүхдийн эрүүл мэнд, хөгжлийн иж бүрэн үзлэгийг зохион байгуулж байгаа юм.

Гагнуурын ур чадварын тэмцээний шилдэг оролцогчийг шалгаруулна

Гагнуурын ур чадварын тэмцээний шилдэг оролцогчийг шалгаруулна

  • 2017-05-05 16:39

Монгол Ур чадвар 2017 тэмцээний зарим төрлийн сүүлийн шалгаруулалт эхлээд байна. Тодруулбал, энэ сарын 3-наас 6-ны хооронд гагнуурын төрөлд эхний хоёр байрт шалгарсан оролцогчдоос дэлхийн тэмцээнд эх орноо төлөөлөх шилдгийг шалгаруулах тэмцээн явагдаж буй юм.

ОХУ-д болох "Дэлхийн залуучууд, оюутны чуулган"-д урьж байна

ОХУ-д болох "Дэлхийн залуучууд, оюутны чуулган"-д урьж байна

  • 2017-05-05 14:37

ОХУ-ын Засгийн газрын хэрэгжүүлэгч агентлаг “Росмолодежь”–ийн санаачилгаар 2017 оны 10 –р сарын 14-22-нд ОХУ-ын Сочи хотноо Дэлхийн залуучууд, оюутны 19-р Их Наадмыг зохион байгуулах гэж байна. Тус наадмыг ОХУ 1957, 1985 онд зохион байгуулж байжээ. Ийнхүү тус улс 32 жилийн дараа дахин зохион байгуулж байгаа энэ наадамд дэлхийн 150 орны 20 мянга гаруй залуус хуран чуулахаар болсон байна. ОХУ-ын Боловсрол, шинжлэх ухааны яамны дэргэдэх “Росмолодежь” агентлаг нь тус улсын залуучуудын талаар төрийн нэгдсэн бодлогыг боловсруулан хэрэгжилтийг ханган ажилладаг. Энэ байгууллага нь залуучуудыг эрүүл, аюулгүй орчинд амьдрах, эх оронч үзлийг төлөвшүүлэх, өрсөлдөх чадвартай, эрдэм мэдлэг олгоход чиглэсэн үйл ажиллагааг зохион байгуулдаг.

С.Мөнгөнчимэг: Элэгний өвчлөлийг бууруулж, иргэдээ эрүүл энх, элэг бүтэн байлгахын төлөө ажиллана

С.Мөнгөнчимэг: Элэгний өвчлөлийг бууруулж, иргэдээ эрүүл энх, элэг бүтэн байлгахын төлөө ажиллана

  • 2017-05-05 13:29

Засгийн газраас баталсан "Элэг бүтэн Монгол" үндэсний хөтөлбөрийн нээлтийн арга хэмжээ өнөөдөр Сүхбаатарын талбайд боллоо. Нээлтийн үйл ажиллагаанд Ерөнхий сайд Ж.Эрдэнэбат оролцож үг хэлсэн юм. Мөн тус арга хэмжээнд Засгийн газрын 2016-2020 оны үйл ажиллагааны хөтөлбөрт багтсан үндэсний хөтөлбөрийн хамтран хэрэгжүүлэгчээр ажиллаж буй Хөдөлмөр, нийгмийн хамгааллын яамыг төлөөлж дэд сайд С.Мөнгөнчимэг оролцлоо.

Японы "Palette" төвийн тэргүүн сургалт зохион байгууллаа

Японы "Palette" төвийн тэргүүн сургалт зохион байгууллаа

  • 2017-05-04 12:15

Хөдөлмөр, нийгмийн хамгааллын Дэд сайд С.Мөнгөнчимэг өнөөдөр Японы “Palette” төвийн тэргүүн, үүсгэн байгуулагч Наоко Таникүчийг хүлээн авч уулзлаа. Хатагтай Наоко Таникүчи нь 1983 онд “Палетте тусламжийн нийгэмлэг”-ийг үүсгэн байгуулж, ихэвчлэн оюуны бэрхшээлтэй хүмүүст зориулсан чөлөөт үйл ажиллагаа явуулдаг. “Тамариба Палетте” нэртэй газарт цуглардаг байсан ба улмаар 1985 онд “Окашияа Палетте”, “Коубоу Палетте” нэртэй газруудыг ажлын оффисын зориулалтаар байгуулжээ. Мэйжи Гаккуйн их сургуулийн Нийгмийн халамжийн ангид суралцаж төгссөн тэрээр 37 нас хүрэхдээ халамжийн чиглэлээр 3 жил, сайн дурын туслах багшаар 2 жил, оюуны бэрхшээлтэй тусгай хэрэгцээт Сейчо сургуулийн туслах багшаар 3 сар ажилласан туршлагатай. Сайн дурын ажлыг 10 жил хийхдээ хөгжлийн бэрхшээлтэй 300 гаруй хүүхдийг өөрийн гараар асарч, тусалж, хөгжихөд нь дэмжлэг үзүүлсэн байна.

Дэд сайд С.Мөнгөнчимэг жендэрийн асуудлаар Австралийн сайдтай уулзлаа

Дэд сайд С.Мөнгөнчимэг жендэрийн асуудлаар Австралийн сайдтай уулзлаа

  • 2017-05-03 16:09

Хөдөлмөр, нийгмийн хамгааллын Дэд сайд С.Мөнгөнчимэг өнөөдөр Австралийн Эмэгтэйчүүд, охидын асуудал хариуцсан сайд Шерман Стоунтай уулзаж охид, эмэгтэйчүүдийн эрх, нийгмийн тэгш байдал, гэр бүлийн хүчирхийлэл зэрэг асуудлаар санал солилцож ярилцсан юм. Уулзалтаар эмэгтэйчүүдийн ялгаварлан гадуурхалтын эсрэг хэрэгжүүлж байгаа бодлого үйл ажиллагаа, жендэрт суурилсан хүчирхийллийн талаар голлон хөндсөн. Тэр дундаа гэр бүлийн хүчирхийллээс урьдчилан сэргийлэх чиглэлээр авч хэрэгжүүлж буй арга хэмжээ, эмэгтэйчүүдийн манлайлал, шийдвэр гаргах түвшин дэх эмэгтэйчүүдийн оролцоог дэмжих зэрэг асуудлаар харилцан туршлага солилцож, цаашид энэ чиглэлээр хамтын ажиллагаа үргэлжлүүлэхээр тохирлоо.

МҮЭХ-ны төлөөллүүдийг хүлээн авч уулзлаа

МҮЭХ-ны төлөөллүүдийг хүлээн авч уулзлаа

  • 2017-05-03 12:01

Хөдөлмөр, нийгмийн хамгааллын сайд Н.Номтойбаяр Монголын үйлдвэрчний эвлэлийн холбооны удирдлагаас бүрдсэн төлөөллийг өнөөдөр хүлээн авч уулзлаа. Тавдугаар сарын 1-нд болсон МҮЭХ-ны тайван жагсаалд сайд Н.Номтойбаяр Засгийн газрыг төлөөлж оролцохдоо хэлэлцээрийн ширээнд урьсан нь энэ уулзалт юм.

Соёл, урлагийн салбарын төрийн албан хаагчидтай уулзав

Соёл, урлагийн салбарын төрийн албан хаагчидтай уулзав

  • 2017-05-02 13:47

Хөдөлмөр, нийгмийн хамгааллын сайд Н.Номтойбаяр, Боловсрол, соёл, шинжлэх ухаан, спортын сайд Ж.Батсуурь нар соёл, урлагийн салбарын төрийн албан хаагчидтай 2017 оны 5 дугаар сарын 01-ний өдөр уулзав. Засгийн газрын 2016-2020 оны үйл ажиллагааны хөтөлбөрт тусгагдсан соёл, шинжлэх ухааны салбарын ажиллагсдын хөдөлмөрийн үнэлэмжийг дээшлүүлэх арга хэмжээний хүрээнд соёл, урлагийн байгууллагын төрийн үйлчилгээний албан хаагчдын цалин, нэмэгдэл болон хөдөлмөрийн үнэлэмжээс шалтгаалан  өндөр ур чадвартай мэргэжилтнүүд гадаадад гарч ажиллах зэрэг асуудлаар салбарынхантай санал солилцож,

Н.Номтойбаяр сайд МҮЭХ-ны тайван жагсаалд оролцлоо

Н.Номтойбаяр сайд МҮЭХ-ны тайван жагсаалд оролцлоо

  • 2017-05-01 17:10

Монголын Үйлдвэрчний эвлэлийн холбооноос өнөөдөр Сүхбаатарын талбайд “Эрх ашгаа хамгаалъя” уриатай тайван жагсаал зохион байгуулсан юм. Уг жагсаалд Хөдөлмөр, нийгмийн хамгааллын сайд Н.Номтойбаяр урьд нь амласан ёсоор оролцож, Үйлдвэрчний эвлэлийн гишүүд, хөдөлмөрчдийн саналыг сонслоо. Жагсаалын үеэр, Монголын Үйлдвэрчний Эвлэлийн Холбоо иргэд, гишүүдийнхээ өмнөөс тэтгэврийн насны нэмэгдэл, нийгмийн даатгалын шимтгэл болоод татварын нэмэгдлийн талаар санал бодлоо илэрхийлж байсан юм. Тухайлбал, “250 хоног ар гэрээсээ хол хүнд хортой нөхцөлд илүү цагаар ажилладаг”, “Идэж уух нь дутаад ирэхээр эдийн засгаа үүрч яваа ажилчдынхаа халаасыг хоослох боловсон дээрмийг эсэргүүцэж байна”, “Эрчим хүчний салбарын ажилтан бид татвар нэмэхийг эсэргүүцэж байна” “УИХ-аас гаргасан шийдвэрээ буцаахгүй бол бид тэмцлийн хурц хэлбэрийг сонгоно” зэрэг уриа лоозон барьсан иргэд ийнхүү эрх ашгаа хамгааллаа.

Сайд Н.Номтойбаяр Хөдөлмөрийн хуулийн шинэчлэлийн талаар МҮЭХ-ны төлөөлөлтэй уулзлаа

Сайд Н.Номтойбаяр Хөдөлмөрийн хуулийн шинэчлэлийн талаар МҮЭХ-ны төлөөлөлтэй уулзлаа

  • 2017-04-28 10:01

Хөдөлмөрийн тухай хууль 1999 онд шинэчлэгдэн батлагдаж, хүчин төгөлдөр болсноос хойш манай орны хөдөлмөрийн зах зээл, хөдөлмөрийн харилцаанд зарчмын өөрчлөлтүүд гарч хөдөлмөрийн харилцаа хэлбэр, агуулгын хувьд гүнзгийрэн өргөжиж шинэ арга хэлбэр, чиг хандлага бий болсоор байна. Хөдөлмөр, нийгмийн хамгааллын сайдын 2016 оны А/183 тоот тушаалаар Хөдөлмөрийн тухай хуулийн шинэчилсэн найруулгын төслийг боловсруулах үүрэг бүхий ажлын хэсэг Хөдөлмөр, нийгмийн хамгааллын яам, МҮХАҮТ, МҮЭХ, МАОЭНХ, МХЕГ-ын төлөөлөл, зарим эрдэмтэн судлаач нарын бүрэлдэхүүнтэйгээр  байгуулагдан хуулийн төслийг боловсруулж байна.